Asai mula gampong Tiba, Beureunuen dan Beureu-eh (Kecamatan Mutiara Kab. Pidie Aceh)

Asai mula gampong Tiba, Beureunuen dan Beureu-eh (Kecamatan Mutiara Kab. Pidie Aceh)

Bak saboh gampong, nibak bineh gle, na keuh tinggai disinan sidroe ulee balang nyang cukop kaya raya. Nibak siuroe, ulee balang na hajat neuk yak peugot rumoh baro, maka mula hat nyang, ka neupeusapat kayee, miseue kayee keu tameh, keu bapeuen, na chit keu bara.
Bak siuroe, ujeuen teuka that sunjai, ie lam krueng ka ji-ek u darat, rumoh ulee balang keunong chit ile ie krueng. Hana trep nibak nyan, kayee keu BARA rumoh jibame le ie raya jipeuhanyot lam krueng.
Ban neuteupeue BARA ka hanyot, ulee blang neulakee bantu bak ureueng gampong untuk neuyak mita "bara" nyan.
Ureueng gampong sigra neuyak mita seutot krueng. Hana trep nibak nyan, salah sidroe aneuk muda neukheun sira neutunyok bara hanyot lam krueng dari ju-oh "jeh pat ka tiba" hinggoe teumpat nyan neuboh nan gampong "TIBA"
Bah that kadeuh kalon bara, tapi hanjeuet cok peuteungoh u ateueh, saweueb ie krueng ile that teuga, hinggoe ureueng gampong neupreh u yub lom. Hana trep bak neupreh, deuh kalon bara jipeuhanyot lam ie. Hana tialek bara ka i peunom lam ie, hinggoe na ureueng kheun "Bara ka nom". Hinggoe teumpat nyan neuboh nan "Baranom" nyang lawet nyoe jithee "Beureunuen".
Bara nom saweueb ie disinan meupuseng-puseng, hinggoe hanjeuet tarek bara nyan u ateueh. Hat nyan ureung gampong neutron lom u miyub. Hana trep nibak nyan, deuh neukalon bara nyan dan kheun le sidroe ureueng "Bara ka ji-eh. Dan teumpat nyang neukheun "Bara-eh" nyang ka jithee deungon nan "Beureu-eh"

Wallahu 'a'lamu bish-shawab
Tulisan Syauqi,S.Ag.M.Pd